曾志伟广邀歌手出席，MIRROR因拍剧无缘踩台参加记招（组图）

香港电台及无綫电视今日（5/1）在将军澳电视城举行记招，宣布首度合办《香港金曲颁奖典礼2021/2022》，副广播处长何重恩及TVB总经理（节目内容营运）曾志伟一同出席，主持启动仪式。

二人在记招后接受传媒访问，志伟说自己对音乐有情意结，希望能举办与电影金像奖一样，举公信力的乐坛颁奖礼，形容这次是媒体合办颁奖礼的开始：“我成日都希望，係咪所有媒体都可以合办一个颁奖典礼呢？当然係困难重重，但係起码今次我哋同港台踏出第一步，行咗先。”

何重恩强调今次颁奖礼会邀请所有媒体参与，也指是次记招有邀请MIRROR、ERROR参与：“我哋点会冇请？不过佢哋忙，佢哋覆咗我哋话剧组好忙，要拍戏，咁就冇办法。”不过同属ViuTV艺人的P1X3L则有现身。至于他们会否亮相颁奖礼，志伟则强调，自己一直希望颁奖礼云集乐坛各界人士参与：“只要大家唔係要拍戏、开工，佢哋都会参与，咁先係一件盛事。广东歌以前嘅地位好高，点可以重拾以前嘅光辉，最紧要係自己人都认同，大家支持先可以做得到。”何重恩则希望歌手能更进一步，闯进大湾区市场。

有传Anson Lo（卢瀚霆）将与郑欣宜于同日举办拉阔音乐会，被问到会否影响二人得奖机会，志伟说过去也曾经出现过歌手在演唱会现场夺奖的例子，而何重恩则说得奖与否与能否出席是两回事，强调颁奖礼将按照机制定出得奖名单，又说往后没有更改两台歌曲榜的机制的打算：“‘中文歌曲龙虎榜’继续有榜会，统计每年能够入榜嘅歌；而TVB继续会有‘劲歌金榜’，入面嘅歌我哋都会统计，我哋将呢啲歌集合，放喺选举名单里面，再根据机制得出嘅总分，决定边啲攞到十大歌曲，边个攞男歌星、女歌星，会係一个公平、透明嘅机制。”至于剧集歌，二人指除了TVB剧集歌，也会计算包括港台在内不同平台的剧集歌曲。

志伟希望这次合作不是期间限定：“‘一次性’可能讲紧係得我哋两个台，‘永久性’就会係有更多台，更多合作伙伴，务求《金曲颁奖典礼》有更多人支持。今次同港台嘅合作，我谂唔只係得一次，希望永久都会。”记者续问志伟会否安排TVB旗下歌手亮相友台，他直言：“啱啱叱吒我哋有两个都上过台，ViuTV都有播，咁咪代表出过囉！冇问题，我哋欢迎。（音乐节目？）记得第一日返工就打畀鲁晖（ViuTV台长鲁庭晖），问佢MIRROR可唔可以上我哋台，佢话‘梗係唔得’啫嘛。问咗啦！其实做娱乐，大家都係想做好呢个行业，例如我哋要定喺四月中，係要避开金像奖，因为我唔係想要打对台，电影要多人睇，音乐都要多人睇，咁先得，无谓比较收视。”